Милион и петстотини илјади третирани пациенти и над триесет илјади направени операции на пациенти од цела Европа, се бројките кои ја одбележаа 18 годишнината од Жан Митрев Клиника. Во присуство на вработени, политичка и дипломатска елита, како и пријатели им се презентираа сите достигнати резултати, предизвици и идни стратегии за Клиниката.
Новата болница се отвори на 01.03.2016. Во болницата се применуваат најсовремените стандарди за хигиена и превенција на интрахоспиталните инфекции, потпомогнати со модерната технологија која е имплементирана.
За потребите на пациентите, интегриран е систем поврзан со софтверската апликација за Жан Митрев Клиника која овозможува на корисниците директно преку нивните мобилни уреди да закажуваат прегледи.
Денес прославуваме полнолетство, матура на нашата работа. Матурскиот испит го положивме со добивање на JCI американската акредитација за болници. Тоа се 18 години професионалност, квалитет и посветеност кон нашите пациенти, процес на создавање и зреење, како што е и биолошкиот процес на раѓање и зреење на една личност.
Ги создадовме највисоки стандарди во медицината и ги направивме достапни за секој пациент.
Болницата која во 2000-та година започна со 10-тина вработени денес има над 300. Можеме да се пофалиме со вкупно 1.5000.000 третирани пациенти и над 30.000 направени операции на пациенти од републиката и од цела Европа.
