Актуелниот градоначалник на општина Лозово Ацо Велковски со известување кон вработеното лице Снежана Цветковска која што работи како хигиеничар во Општина Лозово денеска изврши промена на нејзиното работно време. Притоа во известувањето на градоначалникот Велковски се опишани просториите и површините кои што треба да ги одржува вработената Цветковска.
Според опишаните работни задачи, нејасно останува прашањето дали опишаните работни задачи не ги надминуваат можностите за одржување на посочените површини и простори од страна на едно лице.
Снежана Цветковска е мајка на Бошко Цветковски- противкандидатот на градоначалникот Ацо Велковски кој што повторно е кандидат за градоначалник на Лозово од редовите на СДСМ на претстојните избори.
Бошко Цветковски во изминатиот период е познат во јавноста како жесток критичар на нереализираните проекти од страна на актуелниот градоначалник на Лозово.
За оваа постапка на своевиден притисок на работно место од страна на градоначалникот Велковски кон мајката на неговиот противкандидат Бошко Цветковски преку социјалните мрежи реагираше и самиот Цветковски кој упати повеќе пораки во јавност:
“Ова е “одговорот” на Велковски по прашањата упатени денес во врска со неговите лични фрустрации поради кои трпи образовниот процес и во однос на неговото лично образование кое го има, или го нема?!
Замислете, три објекти со огромни површини плус дворно место и еден куп пропратни работи кои треба да ги обавува еден човек!! И пази:СЕ ОВА ПОД НАДЗОР И КОНТРОЛА НА РАКОВОДИТЕЛОТ НА ОДДЕЛЕНИЕТО!! Се е спремно ЗА НОВИ МЕСТЕНКИ И САНКЦИИ!!
Ќе одговараш! Ќе одговараш пред надлежните институции за секое изживување што го правиш!!
Ова лично ЈАС ти го ВЕТУВАМ!!”
-напиша на фејсбук Бошко Цветковски-кандидат за градоначалник на општина Лозово од редовите на ВМРО-ДПМНЕ.
