Алармантната состојба со условите во објектот кој што порано беше именуван како Дом на културата во Лозово а сега е налик на спортска сала, беше предмет на видео обраќање во јавноста од страна на Бошко Цветковски кој што е актуелен кандидат за градоначалник на општина Лозово од ВМРО-ДПМНЕ.
Тој во јавноста упати повеќе прашања до актуелниот градоначалник Ацо Велковски кој што пред неколку месеци се пофалил на социјалните мрежи со реконструкција на овој објект.
Притоа Цветковски упати фото илустрации од очајната состојба на неодамна реконструираниот објект што ја чини ваквата реконструкција крајно проблематична:
“Вака изгледаат 125 000€ народни пари, потрошени за “РЕКОНСТРУКЦИЈА” на Домот на Културата КОЧО РАЦИН во Лозово..
Неколку отворени прашања до Градоначалникот:
Дали навистина беше Нефункционален Домот на Културата?
Каде заврши металната конструкција на бината од Домот на Културата?
Каде завршија столчињата од Домот на Културата?
Каде заврши дрвената(нутифедер) и термо изолацијата(тервол) од плафонскиот дел на Домот на Културата?
Каде завршија променетите ПВЦ Врати и Прозорци од Домот на Културата?Каде заврши отстранетиот кровен лим од Домот на Културата?
Каде завршија старите калорифери за затоплување од Домот на Културата?
Дали воопшто имаме ДОМ на Култура или некаква импровизирана спортска сала?!
Ова се прашањата кои ги засегаат Граѓаните на Општина Лозово, бидејки токму од нивни самопридонеси и работна сила е изграден овој ДОМ НА КУЛТУРА!!
Знам дека нема да одговорите, но затоа граѓаните ќе ви дадат одговор на 17-ти ОКТОМВРИ, баш таков, каков што ЗАСЛУЖУВАТЕ!!”
