Денеска кандидатот за градоначалник на општина Виница Миле Петков од редовите на ВМРО-ДПМНЕ и коалицијата за Обнова на Македонија на прес конференција во јавноста афирмираше еден од најзначајните проекти во неговата предизборна програма. Станува збор за изградба на регулација и уредување на коритото на Виничка река во градското подрачје на Виница.
“Дозволете да Ви презентирам уште еден од приоритетните проекти за кој се обврзуваме дека ќе го реализираме.
Уредување на речното корито на Виничка река.
Реализацијата на овој проект ќе значи многу за граѓаните во овој дел од градот, но исто така Виничани ќе добијат ново место за рекреација.Овој проект го предвидуваме во три фази 
Фаза – на потегот од мостот кај градскиот парк до новата локација за автобуска станица.
Фаза – на потегот од мостот кај Месната заедница до Горна чешма.
Фаза – на потегот од Горна чешма до м.в.Ширината.
Веднаш ќе пристапиме со изготвување на Детален урбанистички план за м.в. Ширина каде во иднина предвидуваме нов градски парк што ќе биде целина со веќе постоечкото излетничко место Свет крст.Со проектот предвидуваме
Уредување на речното корито, а на месноста Ширина изградаба на мини акумулација, која летниот период ќе се користи за наводнување на паркот, а за време на верскиот празник Водици место за положување на Светиот крст.
Озеленување и пошумување на просторот од реката до Светиот Крст.
Пешачка патека.
Клупи за одмор.
Летниковци за пикник.
Изградба на мал отворен амфитеатар.
Детски парк со реквизити.
#ЗнаемеКакоИмамеПлан #СоздадиНоваИднина #ПромениПроектиПобеди #ЗаокружиБрој7″
-соопшти Миле Петков-кандидат за градоначалник на Виница од ВМРО-ДПМНЕ на денешнета прес конференција.
