Американско-хрватската компанија, косoпственици на Јадран Филм доел Скопје, откри дека поднесуваат кривична пријава за злосторничко здружување на чело со премиерот Зоран Заев. Во соопштението упатено до целата македонска јавност, сите граѓани на Македонија, сите официјални институции, политички партии и пратеници во Собранието Јадран филм открива дека освен кривична пријава за злосторничко здружување (Злосторничко здружување- Член 394, Злоупотреба на службената положба и овластување – Член 353, Фалсификување исправа – Член 378) ќе поднесе и тужба со отштетни побарувања пред меѓународните судови во Вашингтон и Луксембург, против Владата.
“Агенцијата за филм на РС Македонија одби да ја спроведе правосилната пресуда, предмет ТСЖ-168/19, 19.02.2019 година, со која раскинувањето на Договорот од 27.09.2017 година, правосилно е прогласено за ништовно а исто така за ништовни се прогласени и сите последици од тој противзаконски раскинат Договор. Агенцијата за филм која е под директна надлежност на Владата правосилно ги изгуби споровите против Јадран Филм, по долгогодишниот терор поврзан со ТВ серијата Македонија, за кој јавноста е делумно запознаена. Со правосилна пресуда на сите нивоа во македонските судови, раскинот на Договорот со Јадран Филм за ТВ серијата Македонија од 27.09.2017 е прогласен за ништовен, заедно со сите преземени акции на основа на тој раскин на договор. Со тие пресуди, на сите нивоа во македонските судови, Агенцијата за филм и Горјан Тозија ги исцрпија сите законски можности против Јадран филм. Во текот на повеќегодишните судски процеси, истиот се обидуваше да сокрие дека правосилно е утврдено дека директорот на владината Агенција, Горјан Тозија, како одговорно лице, ги прекршил македонските закони и дека е прогласен за виновен за сета штета која е нанесена, штета која од ден во ден се повеќе расте.Агенцијата за филм, Владата и Премиерот, за да ја спроведат правосилната одлука ги обрврзуваат следниве пресуди:
-стои во дел од соопштението на Јадран Филм ДООЕЛ Скопје.
Целото соопштение може да го прочитате на Вечер.мк.
