Градоначалникот на општина Берово во рамки на своите програмски определби за блиска соработка со граѓаните на Берово, започна со партиципативен пристап за усвојување на новиот Буџет на општината за 2022 година.
Тој за наредниот период предвидува посета на сите населени места во општина Берово, со цел директно со граѓаните да ги утврдат приоритетите за реализација за наредната година кои што ќе бидат реализирани со сретства од општинскиот Буџет.
“Ве известуваме дека Општина Берово е во фаза на креирање на Буџетот на Општина Берово за 2022 година и подготовка на годишните програми за работа на одделеијата, за 2022 година.
Со цел партиципативно учество на граѓаните, во креирањето на Буџетот, Градоначалникот ќе оствари средби со граѓани.
Средбите ќе започнат во населените места, со следниот распоред:
09.11.2021 година
10:00 до 12:00 часот во с. Двориште
12:00 до 14:00 часот во с. Ратево
14:00 до 16:00 часот во с. Русиново
10.11.2021 година
10:00 до 12:00 часот во с. Митрашинци
12:00 до 14:00 часот во с. Будинарци
14:00 до 16:00 часот во с. Мачево
12.11.2021 година
10:00 до 12:00 часот во с. Владимирово
12:00 до 14:00 часот во с. Смојмирово
Сите кои имате идеи, предлози за релизација на одредени проекти или решавање на одредени проблеми, повелете во наведениот термин, на разговор со Градоначалникот и претставници од локалната самоуправа.”
-стои во соопштението на општина Берово упатено до јавноста.
