Како дел од своите предизборни ветувања преку кои се обезбедува поголема транспарентност на работата на властите на Град Скопје, градонаалничката Данела Арсовска соопшти дека се воведува директен пренос во живо на сите седници на Советот на Град Скопје.
“
За прв пат од функционирањето на Советот на Град Скопје се овозможи со директен пренос во живо да се одвиваат седниците на Советот на Град Скопје со што демонстрираме транспарентност во работењето на Советот.
Преку јавните седници скопјани можат изворно да се информираат за донесените одлуки од страна на Советот како и за проектите и програмите на Град Скопје. Седниците на советот редовно се следат од над 20 илјади граѓани, што е доказ за високиот степен на интерес од стана на граѓаните и потврда за важноста од транспарентноста на одлуките на членовите на Советот.
Ги пренаменивме и средствата кои претходното градско раководство и советниците ги трошеле по кафеани. Средствата од договорот склучен со три угостителски субјекти од страна на претходното градско раководство, во вредност од околу 32 илјади евра сега се пренаменети за бесплатни оброци за граѓани од социјално загрозени категории преку иницијативата „Ретвитни Оброк“, здружението „Љубезност“ и Црвениот крст на Скопје. Наместо угостителски услуги како непродуктивен трошок, ќе се користат овие средства за социјално ранливите категории, особено кога наши сограѓани се соочуваат со егзистенцијални проблеми во време на економска и енергетска криза.
Вашите пари нема да се трошат на прослави и кафеани, и луксузирање од страна на поединци, нема да се злоупотребуваат привилегиите поради што градот е оставен со милионски долгови.
Заедно со ваша поддршка ќе го направиме Скопје град за пример, ќе се раководи одговорно, транспарентно, во служба на сите граѓани.
Вака и ќе продолжиме, посветено, со многу труд, да ја вратиме довербата во градските институции, да бидат во служба на граѓаните, да работат за поубав град, град во кој видливи ќе бидат позитивните промени за добро на сите граѓани. “
-соопшти Данела Арсовска- градонаалник на град Скопје во врска со имплементацијата на оваа мерка.
