Познавајќи го нашиот самоотуѓувачки македонски менталитет, еден на една-друг на друга страна, плановите на надворешните, и не само Апостол како кривец, бандата е виновна-да, но вината е исто и кај сите оние кои поверуваа дека во едно различно време на различни лидери ќе има deja vu!? Дали од државотворен народ ќе станеме малцинство во својата држава, само и само поради гордост, неслога и дневна политика?! Дали бројките ќе прикажат она кое некој сака да бидне? Кој стои позади новите и нереални бројки?
И за крај-кој ја нарачал оваа софра без да биде спремен да го плати цехот на крај?? Денес Бојко, утре некој друг, само кај нас политичките чинители остануваат бели мечки и недопрени… Иако СДСМ, цело време креира слика за ВМРО-ДПМНЕ како анти-НАТО и про-руско настроени и дека истото ВМРО ако стане власт на следните парламентарни, ќе го смени односот кон Западот и ќе го наруши континуитетот, како варијанта не доминира кај врхушката, знаејќи дека Народот е секогаш во право-дури и тогаш кога не е!
Башка што сопственото мислење, ставот треба да биде личен и независен, така да, се остава голем простор за маневри во иднина. Три децении Македонија тера еден дискурс и малце е потешко сето тоа да се смени преку ноќ-дури и во главите на заведените членови на СДСМ.
Таа константа и главно прашање ќе ја одржува оваа политика се додека поставеноата на економските и политичките параметри и стандарди во државата се во прилог на полното меше, просечната плата и два чекора до БАНКРОТ БЛУЗ БЕНД!? Ние како држава имавме искуство кога платите останаа во полна кондиција, во време на светска рецесија ние немавме инфлација, кога барел нафта чинеше 120 долари а горивото 44 денари, додека денес барел нафта е под 100 долари а ние се бориме да бидеме под 1.5 евра/литар?!
Цело време се пласира тезата за индиферентност ако влеземе во ЕУ. Нејсе, доволно е да се потсетиме на Македонија пред 10 години и Македонија сега и ќе разберете зошто не плаќате Радиодифузна ама плаќате зејтин и нафта по 100 ден.
Популистичката опција на сегашните е само негација на сета економија а потврда за едно ново време, една нова реалност кога мудрите молчат а будалите говорат! Генот на самоуништување ќе не доведе до крајот на патот, до еден рестрат, нова Матрица и нови луѓе!?
Или сега, или никогаш! Процентите нема да бидат ниту точни, ниту реални…
Пишува: Гоце Марков
