Лидерот на ВМРО-ДПМНЕ Христијан Мицкоски на прес-конференција пред партиското седиште денеска ја алармираше јавноста за ефектите од лошиот менаџмент на власта во енергетскиот сектор, кој што во крајна линија негативно се рефлектира врз стандардот на граѓаните во секојдневниот живот.
Лидерот на опозицијата зборуваше за негативните практики во работењето на ЕСМ и рудникот за јаглен Суводол кој што треба да го снабдува РЕК Битола со јаглен која што треба да произведува струја а тоа не го прави на соодветно ниво. Така според кажаното на прес конференцијата на Мицкоски кој што важи и за еден од врвните експерти за енергетика во државата граѓаните се доведени до ситуација да плаќаат повисока цена на струјата која се купува од странство, додека домашните производствени капацитети не работата со задоволителниот капацитет.
Дополнително Мицкоски алармираше за бизнис-зделките кои што ги прават одговорните лица на ЕСМ со ископот на јаглен и јаловина, како и останати дејности опреку кои се испумпуваат огромни сретства на грбот на граѓаните во приватни џебови. Мицкоски соопшти дека покрај досегашните 30 проценти за колку што се поскапи струјата на терет на граѓаните, од 1 јули граѓаните ќе плаќаат за повеќе од 10 отсто поскапа струја. Како причина за тоа ги наведе тоа што багерите на РЕК Битола не ископуваат јаглен поради поплава, цената на уличното осветлување и помалото производство на електрична енергија.
На прес конференцијата Мицкоски појасни состојба поврзана со уличното осветлување во општините низ државата каде исто така постои обид на актуелната централна власт да се “испере” себеси за својата неспособност и штетен начин на управување со енергетскиот систем во државата.
– Главната и суштинска работа зошто го споменувам уличното осветлување е вчера лиферуваниот податок дека општините преку уличното осветлување потрошиле 30 милиони денари, рече Мицкоски, додавајќи дека тоа е 1,32 проценти од вкупно потрошената струја за 2021 година.
Математички, е невозможно струјата да поскапе 10 проценти ако само уделот на јавното осветлување е десетократно помал.
-Е сега каде се парите? Од истиот тој извештај на Регулаторната комисија за 2021 година можете да забележите дека во 2021 година се произведени од страна на ЕЛЕМ 3,17 тераватчасови електрична енергија, а само две две години претходно во 2019 година 4,25 тераватчасови електрична енергија. Што значи ЕЛЕМ наместо да произведува односно на тие што го водат приоритет им се договори во четири очи, нагласи Мицкоски. Разликата во пари во производството на струја, изнесува 250 милиони евра.
Решението на ВМРО-ДПМНЕ за проблемот со зголемување на сметките за електричната енергија е земјата да се врати на производството на струја од 2019 година.
– Да се вратиме најмалку од производството од 2019 година и тоа ќе го направиме за шест месеци. Ова денеска што се случува е минус 250 милиони евра,
-соопшти Христијан Мицковски-м претседател на ВМРО-ДПМНЕ на денешната прес конференција.
Тој повторно ги повика граѓаните да се приклучат на нивниот протест на 18 јуни за што детали најави наскоро.
– Очекуваме општествена и политичка поддршка. Повикани се сите оние граѓани, политички и општествени субјекти да излезат и да ни се придружат, нагласи Мицкоски.
Уште еднаш нагласи дека предвремени избори треба да има повикувајќи се на резултати од теренски анкети што, според него, покажуваат дека луѓето сакаат предвремени избори.
Во продолжение проследете ја во целост денешната прењс конференција на Христијан Мицкоски од пред централниот штаб на ВМРО-ДПМНЕ:
