По завршувањето на вчерашниот меч помеѓу помеѓу ФК Кит-Го од Пехчево и Фк Малеш од Берово, официјално беше промовиран новиот второлигаш во втората фудбалска лига на Македонија.
Екипата на ФК Кит-Го од Пехчево на домашен терен го совлада гостинскиот тим со резултат 4-1 (3-0) со што и официјално влезе во второлигашкото клубско натпреварување во фудбал во нашата држава.
Сезонава за ФК Кит-Го од Пехчево беше повеќе од блескава, демонстрирајки ја својата фудбалска надмоќ над останатите екипи од досегашното третолигашко натпреварување на истокот од државата.
Со убедлива гола разлика од 120-15 во корист на новиот шампино на истокот и со 25 победи и само една нерешена средба екипата на Кит-Го Пехчево покажа како се сака и живее фудбалот и најави жесток атак кон врвот за натпреварите во наредната сезона во втората Македонска лига.
Официјално и Градоначалникот на Општина Пехчево, Драган Тренчовски на новиот воролигаш му ја честиташе шампионската титула во досегашното натпреварување и на фудбалерите им посака успех во понатамошното натпреварување.
-“Ова се денови за спортот во Пехчево, а најголем за фудбалот од историјата па се до денес , од аспект на сите полиња. Огромна е среќата која што на сите граѓани на Пехчево ни ја подаривте со влегувањето во втората македонска лига. Ова за сите нас за сите наши граѓани се најсреќните денови во нашите животи кога во прашање е фудбалот. Успеавте да го направиме сонот реалност, успеавте да го земеме медалот за први во третата македонска лига – исток, кој на сите пехчевци значи многу и кој е доказ за вашата работа и посветеност и најбитно е што Пехчево го извадивте од анонимноста во областа на спортот после долго време.”, меѓу другото напиша градоначалникот Тренчовски на својата фејсбук страна.
