Краткометражниот филм Коливо на Андреј И. Волкашин, ќе биде премиерно прикажан на 3 Август, од 20:00 часот во киното во Делчево. Ова ќе биде прва можност за граѓаните на Делчево да го видат првиот филм снимен во општината и да се запознаат со дел од екипата, вклучувајки ги младите актери аматери, кои ги направија првите чекори во филмската уметност токму со Коливо.
Интересно е што филмот, освен што е снимен во делчевското село Град, е и еден од првите македонски филмови снимени целосно на локален дијалект. Насловот на филмот – Коливо, има двојно значење. Освен денот на кој се коле свињата во домакинството, зборот Коливо е и црковен термин за благата пченица која се користи во православните обреди поврзано со поменот на покојниците. Приказната е за мајка и ќерка која имаат иста тајна, а никако неможат да ја споделат една со друга. Главните улоги ги толкуваат легендарните македонски актерски Лабина Митевска и Јоана Поповска.
Светската премиера на филмот беше на 46ти Хуеска Инетрнационален Филмски Фестивал, по што е селектиран во официјалната конкурсна програма на фестивали во Бугарија, Словенија, Франција, Холандија, Канада. Неодамна филмот ја доби наградата за најдобар краток филм на фестивалот ТОНЕИНС ИФФ, а домашната премиера му претстои на 39 БРАЌА МАНАКИ – Интернационален Фестивал на Филмска Камера во Битола.
