Деновиве по претходно спроведените подготовки во Штип фирмата изведувач започна со изведба на новата велосипедска патека покрај течението на реката Брегалница.
Во тек се градежните активности на потегот од населбата “Балканска” па се до населбата 8- ми Септември.
Станува збор за рехабилитација, проширување и поставување на нов асфалт на постојната пешака патека која што покрај зона за пешаци ќе добие и нова велосипедска лента во од Ново Село до Штип во вкупна должина од околу 6 километри.
Градоначалникот на општина Штип Иван Јорданов ја истакна потребата за изведба на оваа велосипедска патека како барање на граѓаните утврдено во неговите постојани контакти и комуникација со жителите на Штип.
“Започна асфалтирањето на велосипедска патека покрај река Брегалница и веќе постојната пешачка патека од населбата Балканска до населба 8ми Ноември. Претходно е завршен првиот потег од Ново Село до населба 8ми Ноември.
Велосипедската патека целосно осветлена со вкупна должина од 6,5 километри е желба на голем број штипјани кои досега ја користеа пешачката патека. За поголема безбедност на пешаците, решивме да ја прошириме постоечката пешачка со паралелна велосипедска патека.”
-информираше градоначалникот Јорданов во врска со реализацијата на овој проект.
