Александар Кошка (влашки: Alexandru Coshca; 1873, Гопеш, Битолско – 22 мај 1907, помеѓу Сливница и Курбиново, Ресенско) — македонски револуционер и романски офицер, учесник во македонското револуционерно движење, член и војвода на Македонската револуционерна организација.
Кошка е роден во битолското село Гопеш во 1873 година.
Во Битола завршил романска гимназија, а потоа студирал медицина во Букурешт. Тој бил ден од најактивните влашки членови на ВМОРО. Во 1902 година се вратил во Македонија и се вклучил во редовите на ВМОРО. Во 1903 година бил во четата на Парашкев Цветков. Учествувал во Илинденското востание како војвода во Пелистер. По востанието ги организирал влашки села во Битолско и Пинд. Васил Балевски за него рекол:
Власите беа во нашата организација, комитетите им беа согласни централно. Војвода им беше Александар Кошка, одличен човек
Toj e еден од оние Власи кои што тргнале во борба против заедничкиот физички и духовен угнетувач на Македонија. Како вреден работник во редовите на ВМРО ги буди Власите од неписменост, настојувајќи да завршат училишта. Самиот завршил романска гимназија во Битола и студирал медицина.
Од сите Власи, активни членови на ВМРО, Кошка е најинтелигентниот револуционер.
Александар Кошка е олицетворение на братството и единството меѓу македонскиот народ и малцинствата, кои што се бореа во општа борба против феудалното потчинување и експлоатација на беговите и пашите.
Загинува со уште четворица свои четници кај селата Сливница и Курбиново, Ресенско, на 22 мај 1907 година.
