Потпретседателот на ВМРО-ДПМНЕ Александар Николоски денес одржа прес конференција. Николоски даде мислење во врска со статусите на пратениците на ВМРО-ДПМНЕ кои на своите профили на социјалните мрежи објавија статуси дека нема да поддржат измени во Уставот.
– “Не мислам дека ставот на пратениците се противи на ставот на претседателот на партијата. Пратениците се најсилниот дел од ВМРО-ДПМНЕ. Тие ја чувствуваат вибрацијата на граѓаните. Тие се во секојдневна комуникација со граѓаните и штом решиле дел од нив вака јавно да го кажат својот став, значи дека тоа е она што го добиваат како вибрација од граѓаните и сакаат да го пренесат и тоа е апсолутно за почит.”
– изјави Николоски.
