Поранешниот пратеник во Македонскиот парламент кој што замина на бојното поле во одбрана на татковината во војната против УЧК во 2001 година, во текот на вчерашниот ден е избран за прв Претседател на Патриотскиот институт на ВМРО-ДПМНЕ.
Александар Пандов е долгогодишен член на партијата но уште повеќе долгогодишен борец за Македонската национална самобитност и про-конзервативна енергија како артикулација на духот и идеите на основните доктринарни определби од основањето на ВМРО-ДПМНЕ. Тој е припадник на т.н. втора генерација на политичари во ВМРО-ДПМНЕ кои што цврсто стојат на браникот на македонската национална кауза.
Александар Пандов беше еден од гласноговорниците во рамки на Граѓанското движење за одбрана на Македонија и деклариран борец против доаѓањето на Зоран Заев на власт во државата како резултат на монтираниот политички процес кој започна со Пржинските преговори.
Александар Пандов е политички аналитичар кој секогаш ги застапувал тезите и барањата на мнозинството Македонски граѓани, со широк народен дух и политичко вјерују.
Како прв претседател на Патриотскиот институт на ВМРО-ДПМНЕ Александар Пандов доаѓа по стапувањето на сила на новиот Статут на ВМРО-ДПМНЕ од неодамна во кој што е дефиниран Патриотскиот институт како новина во политичкиот живот во партијата но и пошироко во државата аналогно на модерните европски и светски трендови на политичко дејствување.
