Топли и забавни ноќи, најавува деветото издание на Фестивалот на трубите во Пехчево.
12 и 13 јули Малешевијата ќе ечи од виртуозите на труба.
Традицијата на трубите во Малешевијата, понудена како атракција на натсвирување на македонските виртоузи на труба, претставува туристичка понуда за гостите во Малешевијата, но и економски бенефит за локалната економија во Пехчево.
Најреномираната културна манифестација во Малешевијата и поширокиот регион годинешното 9-то издание на Фестивалот на дувачки оркестри Пехчево 2019 и овојпат, согласно реномето, ќе понуди врвни музички доживувања и многу забава.
Екс ЈУ ѕвездата, поп-рок пејачот Ален Исламовиќ и неговиот бенд „Кад би било бјело дугме“ ќе биде главна ѕвезда на деветото издание на Фестивалот на дувачки оркестри Пехчево 2019, што ќе се одржи 12-13 јули во Пехчево, во организација на општина Пехчево, а со поддршка на главните спонзори Хотел Гогов, Кит-го маркети , ДИК Фагус Пехчево и др.
Миленикот на младите, но и на постарите Ален Исламовиќ на 13 јули ќе одржи голем концерт на плоштадот Св. Петар и Павле во Пехчево.
На плоштадот ќе има штандови со скара и пиво. Ќе можете да уживате во хитовите на познатите имиња со ладно пиво и добра скара.
Се очекуваат најголемите виртуози на трубата и познати пејачи од земјава и странство да настапат на прекрасната сцена на плоштадот во Пехчево.
