Во недостиг на идеи, разум и свест имаме технички премиер кој носи одлука исклучиво за неговиот партиски круг на луѓе, кои се на функција, да беше поразлично можеби ќе речевме дека е недостаток на знаење, но како Оливер Спасовски да заборава дека за многу брзо ќе бидат заборав на политичката сцена и многу неславно ќе заминат. Ќе заминат како политичари кои пред пандемија нѐ убедуваа дека буџетот блеска, за во ек на пандемија да нѐ известат дека буџет скоро и да нема, бидејќи го потрошиле за приватна кампања и промоција, народни пари потрошени од Бихачка!
Типично за СДСМ има каста на луѓе од СДСМ и сите останати. Па покрај тендерите за апетисани и морски плодови, додека народот нема леб да јаде, даваа изјави за намалување на администрација, а дневно сме сведоци на минимум 100 партиски вработувања во истата таа администрација, и додека оние кои патуваат од странство мора да бидат во 14 дневен карантин, за условите да не ни дискутираме, повеќе од очајни се, тоа правило за функционерите нема да важи. Оливер Спасовски повторно се надмина самиот себеси, со срамната и скандалозна одлука покажа што значи да се живее во држава во која владее режим и беззаконие!
Владата на седница одлучила да се дозволи избраните и именуваните лица да патуваат во странство, но по нивното враќање да не бидат спроведени во задолжителен државен карантин.
Дека СДСМ не го почитува и цени својот народ, тоа го видовме и со изјавата на Зоран Заев, каде што бесрамно го навредуваше истиот тој народ кој ќе го моли да го даде гласот за него, па сега понижувачки и надмено донесе одлука да бидат над граѓаните. Владините функционери не заболуваат од корона, за нив нема да има карантин како за обичните „смртници“. Спасовски е должен да каже зошто смета дека функционерите од СДСМ не заболуваат од корона.
По низата историја на Оливер Спасовски, како најнеуспеш министер за внатрешни работи, каде што криминалот цутеше со пресметки, растеше бројот на убиства посебно на оние нерасчистените. Криминалците добија сила, па грабежите и физичките напади станаа секојдневие. Граѓаните оправдано живеат во страв и се чувствуваат небезбедни во својата држава. Истиот тој ни е сега технички премиер. Без грижа и без страв живеат единствено криминалците и локалните моќници кои знаат дека додека е оваа власт, тие нема да бидат казнети за кривичните дела кои ги прават. Но, она на кое ние ве уверуваме е дека ова беззаконие ќе завшри, веднаш после падот на оваа неславна власт на следните парламентарни избори. Ерата на “нас никој ништо не ни може” наскоро ќе заврши. Затоа што има кој може. Ако не следниот, за некој месец, народот ќе покаже што може, ќе покаже дека знае да одбере и поддржи правда, работа, посветеност и искреност.
