Караванот за Обнова на Македонија предводен од ВМРО-ДПМНЕ денеска беше во Виница.
Кандидатот за премиер на владата на Република Македонија Христијан Мицкоски имаше свое обраќање пред жителите на Виница од каде испрати повеќе пораки:
Ние сме народна партија, нас народот ни дава легитимитет. Политичарот нема да биде привилигирана професија, туку ќе биде со народот. Мора да работиме за да си ја обновиме татковината, пепел ќе наследиме. Затоа да бидеме сплотени, времето не може да се врати, но пред нас се нови четири години, пред нас е читанката од 360 страни која вие ја пишувавте заедно со домашни и странски експерти од многу области, нѐ чекаат четири години успеси.
Носителот на кандидатската листа под реден број 14 на Коалицијата за Обнова на Македонија предводена од ВМРО-ДПМНЕ во третата изборна единица Игор Јанушев ги истакна заложбите на партијата и од името на сите дваесетмина кандидати за пратениви во Македонскиот парламент ги повика граѓаните да се приклучат на Обновата:
“Да престанеме да сонуваме и да почнеме да го градиме сонот, да почнеме да живееме како луѓе – како горд народ, да бидеме со подигната глава и исправена кичма!
Затоа ги повикувам незадоволните, социјално загрозените, обесправените, работниците, земјоделците, стопанствениците. Ве повикувам сите Вас да ни се приклучите.
Имаме подадена рака кон секого и за секое прашање ќе дојдеме заедно до решението. Ви ветуваме работа, извесност и иднина. Различни сме од СДСМ. Изборот е помеѓу измама и обнова, помеѓу безидејност и концепт и стратегија, помеѓу криминал и чесност… изборот е помеѓу Заев и Македонија.
