Денес, 8- ми Април, по повод Меѓународниот ден на Ромите на Јавна трибина се говореше за состојбите, предизвиците и проблемите, се со цел да се испрати една порака дека менталната матрица на соживот се гради и дека сите заедно ќе бидеме помоќни и поподготвени да ја помогнеме интеграцијата на ромската заедница во системот. Свеченоста се одржа во организација на Центарот за развој на заедницата „Светла иднина„ – Кочани, а финансирана од општина Кочани. На настанот читаа поезија Игбал Саидова и Таман Рушенов, од ромски поети, презентирана на ромски и македонски јазик. Членот на „Светла иднина„ Мустафа Саидов говореше за историјата и за потеклото на Ромите.
Овде, пред присутните се обратија и претседателот на ЦРЗ „Светла иднина„ Рустем Хаџи Минтас, пратеникот Миле Лефков, раководителот на подрачната единица на бирото за развој на образованието Штип, Бети Денков и советникот во бирото за развој на образованието, преглед на општите состојби во образованието даде Татјана Лазарова – Осоговска.
Сите посакаа соживот и толеранција, еднаквост и подобра соработка. Честит празник на сите Роми!
