Денеска со свое соопштение генералниот секретар на Движењето БЕСА Аријанит Хоџа од име на политичкиот субјект упати повторно барање за одржување на предвремени парламентарни избори што е можно побргу поради немањето на легитимитет и капацитет за водење на државата на актуелната власт предводена од СДСМ и ДУИ.
Тој притоа во јавност го афирмира ставот на Движењето БЕСА за укинување на законските одредби за постоење на т.н. техничка влада пред избори.
“Движење БЕСА: За укинување на техничката влада, предвремени избори што поскоро
Владата на Република Северна Македонија и сегашното мнозинство секој ден сведочат дека немаат капацитет да ги водат државните институции. Секое пролонгирање на оваа нестабилна ситуација може да има големи последици како за политичката, така и за економијата на земјата.Иницијативата за промена на законот за влада, имено укинување на техничката влада како чекор пред одржување на парламентарните избори, е многу добро насочена и ќе ја има поддршката од пратениците на Движењето БЕСА.Го реафирмираме нашиот став дека на државата ѝ требаат стабилни институции, политичка стабилност и конкретни чекори за економско закрепнување. За да се обезбеди ова, попотребно е земјата да оди на предвремени избори, затоа отстранувањето на процедурите за техничка влада е чекор за забрзување на излезот на земјата од кризата што настана, одржување на предвремените избори во рокот e штом тоа е единственото решение што ќе донесе политичка промена и ново, стабилно и јасно визионерско мнозинство за иднината на земјата, кое оваа влада и мнозинството од СДСМ-ДУИ немаат капацитет да го обезбедат.”
-соопшти Аријанит Хоџа преку социјалните мрежи.
