” 
Во пресрет на 17-ти Јуни, Денот на раѓањето на нашата света ВМРО-ДПМНЕ, невозможно е да не ми се разбудат сеќавањата и емоциите како пред мои десетгодишни детски очи пред 31 година визијата се преточуваше во идеја, а идејата во остварен сон, раѓање на ВМРО-ДЕМОКРАТСКА ПАРТИЈА ЗА МАКЕДОНСКО НАЦИОНАЛНО ЕДИНСТВО
Во семејната куќа ул. Горновранска бр 122 Горно Лисиче и прво седиште на нашата партија ВМРО-ДПМНЕ, со моите две сестри, секојдневно бевме сведоци на создавањето, организирањето и растењето на првата државотворна Македонска партија ВМРО-ДПМНЕ.
Чест и вистинска гордост од денешна гледна точка ми претставува тогашните залагања, упорноста, копнежите, енергијата и жарот со кој што беше исполнет мојот татко Борис Змејковски-потписник на Иницијативата за формирање на ВМРО-ДПМНЕ и прв Генерален секретар.
Непреспиените ноќи, полната куќа со Македонци од цела Македонија, изработување , програми, пристапници, планови и слично беа сликата на нашето секојдневие. Во овој бурен и неповторлив период на живо сведоштво на создавање на ВМРО-ДПМНЕ која што покрај Државотворна партија со програма воедно имаше за цел да биде и бариерата и последниот бедем за заштита на Македонија и Македонските национални интереси, деновите беа исполнети со радост, восхит, љубов но и страв и притисок од будното следење, малтретирање и омаловажување од страна на службите КОС, УДБА, СДБ кои што застапувале интереси на други земји, но не и на нашата Македонија.
Закрилата, љубовта и топлината што ни ја пружаа нашите родители Бубе и Борис Змејковски, во тој период го разветлуваа сето сивило и страв од нашите глави.
Знаевме, Татко со часови да го гледаме, набјудуваме и восхитуваме на храброста и пожртвуваноста што ја црпеше од каузата и идејата на Организацијата и Татковината. Знаеше да го нема со денови, а понекогаш и со недели, но секогаш се враќаше со успешно завршена Мисија за Македонија.Сеќавањата, емоциите и идеологијата се вечни и неуништливи. Сегашните и идни генерации Македонци, мора да ја знаат историјата за осамостојувањето на нашата мајка Македонија и формирањето на државотворната света партија ВМРО-ДПМНЕ !
Татко Мој, ти си мојата гордост, мојата Ѕвезда, мојот Македонски Лав, кој што го имала Татковината кога си и бил најпотребен.Твојата улога во создавањето на ВМРО-ДПМНЕ е неприкосновано, ти благодарам за секоја непреспиена ноќ, за секој потрошен атом енергија, за целокупниот вложен интелектуален капацитет !Единствен спас од денешните предавства што се случуваат на нашата Татковина и Македонскиот народ е ВМРО-ДПМНЕ и Претседателот Христијан Мицкоски.
Претседателе продолжи го патот гордо и достоинсвено на Револуционерите и Основачите, за аманетот и иднината, Македонскиот народ е со Вас …
СЕГА Е НАШЕ ВРЕМЕ !
Да живее ВМРО-ДПМНЕ !
Да живее МАКЕДОНИЈА !
СРЕЌЕН 31-ви РОДЕНДЕН ВМРО-ДПМНЕ
-фејсбук статус на Билјана Б. Змејковска
