Кандидатот за градоначалник на општина Лозово од редовите на ВМРО-ДПМНЕ Бошко Цветковски по повод денешниот празни 11 Октомври- Денот на кревањето на востанието на Македонскиот народ против фашистичките сили во Втората Светска војна упати честитка во јавноста до сите граѓани на општина Лозово и пошироко.
“Почитувани сограѓани,
Од мое лично име и од името на ОК Лозово, Ви го честитам 11 Октомври, Денот на македонското востание !
Овој датум означува уште еден почеток на борбата за ослободување и самобитност на македонскиот народ. На 11 Октомври е поставен уште еден од темелите на македонската државност. Партизанското движење го оствари стремежот на сите претходни генерации за достигнување на победата и слободата на македонскиот народ.
Празнувајќи го овој ден, им оддаваме почит на сите учесници во вооруженото и антифашистичко востание, кои ги вградија животите за денешната слобода.
Нека е честит 11 Октомври, Денот на македонското востание!
Македонија вечна“
-напиша Бошко Цветковски- кандидат за градоначалник на општина Лозово од редовите на ВМРО-ДПМНЕ.
