Од Општинскиот комитет на ВМРО-ДПМНЕ до нас пристигна реакција упатена до јавноста во врска со новото именување на Претседателот на Основниот суд во Штип.
Истата ја пренесуваме во целост:
“Основниот суд во Штип доби нов претседател.
Меѓутоа, тргнувајќи од девизата на владеачката партија за транспарентност и отчетност, ние денес ќе поставиме прашања за промените во судот, а на нив ќе им дадеме можност да одговорат.
Дали тоа што новиот претседател на Основен суд Штип е прв братучед на претседателот на ОО СДСМ Штип, беше пресудно да ја добие таа висока функција?
- Дали непотизмот почнува да фаќа корени и во правосудниот систем?
- Вака ли СДСМ ги спроведува реформите од Поглавјето 23, кое ги опфаќа правосудството, борбата против корупцијата и темелните права на граѓаните?
- Дали е ова тоа независно судство што премиерот го отвара како пупка?
Ова не се само прашања на ВМРО-ДПМНЕ, туку ова се прашања на сите граѓани. Додека чекаме пред портите на Европската Унија, можеби партијата на власт треба да си погледне во својот двор.
Затоа што, во семејство каде што владеат законите, правото и демократијата, не може да влезе некој кој заразно ги шири корупцијата, непотизмот и нарушувањето на човековите права.”
