Министерот за внатрешни работи Наќе Чулев во текот на вчерашниот ден одржа работна средба со претставници на ромски невладини организации во државата.
На средбата било разговарана за актуелните состојби кои ги засегаат припадниците на ромската заедница во Република Македонија а кои што се од делокругот на работа на Министерството.
Притоа Чулев најави интензивирање на соработката меѓу Министерството и овие невладини организации во иднина.
Во продолжение го пренесуваме известувањето за јавност упатено од оваа средба од страна на Министерот Наќе Чулев:
“✋ На моја иницијатива денес одржав работна средба со претставници на ромските невладини организации. На состанокот дискутиравме за проблемите со кои се соочуваат во нивното секојдневно работење, а кои се во делокругот на Министерството за внатрешни работи.
✔️Говорот на омраза кон ромската заедница како марганализирана група во општеството, проблемот со децата на улица, семејното насилство се дел од проблемите за кои заеднички се соогласивме дека треба системски да се решаваат во периодот кој следи.
✔️ Во таа насока се согласивме дека соработката помеѓу Министерството за внатрешни работи и овие невладини организации треба да се регулира со меморандум за заедничка соработка, чие формализирање треба што поскоро да се случи.
🗣️ Министерството за внатрешни работи останува посветено на дијалогот и соработката со невладиниот сектор на чие интензивирање ќе работиме во следниот период.”
