Минатиот месец по појавата на пандемијата со Корона вирусот и воведувањето на Вонредната состојба од страна на владата на социјалните мрежи се појавија фотографии од лидерот на опозициската ВМРО-ДПМНЕ Христијан Мицкоски како влегува во објект-теретана заедно со уште две лица. Овие фотографии беа пропратени со коментари дека Мицкоски не ги почитувал препораките на владата и претставувал потенцијален ризик за пренос на корона вирусот. Ваквите информации беа малициозно споделувани од провладини портали и медиуми со цел да нанесат политичка штета на лидерот на ВМРО-ДПМНЕ.
Денеска по целосно расветлување со детално известување во врска со ваквиот случај во јавноста излезе Министерот за внатрешни работи Наќе Чулев.
❗ Одделот за внатрешна контрола, криминалистички истраги и професионални стандарди при Министерството за внатрешни работи постапуваше по допрен глас од страна на социјалните мрежи, односно во врска со видео материјалот на кој се гледа како Х.М., претседател на политичка партија, во придружба на полициските службеници И.Б. и О.С. и уште едно непознато лице како наводно ги прекршуваат предвидените конкретните одлуки донесени од страна на Владата во врска со корона вирусот, односно биле во теретана која наводно работела само за нив.
✅ Во однос на видео записот преземени се мерки за расчистување на случајот, извршен е разговор со сопственикот на теретаната, извршен е увид на видео надзорот во и надвор од објектот за периодот од 01.04.2020 до 27.04.2020, при што не е воочено движење на наведените лица објавени на видео записот на социјалните мрежи, односно дека во објектот нема движења односно и нема снимка како што е постирана на социјалните мрежи.
✅ Исто така, извршени се службени разговори со полициските службеници во ЕВР Аеродром и Драчево и со неколку вработени во теретаната, кои потврдиле дека истата не работи по донесувањето на мерките од Владата и дека на снимките ги нема известувањата дека објектот не работи т.е. дека снимките се постари. Една од вработените посочила и дека снимката е од 20.10.2019 кога последен пат заедно ги видела во теретаната Х.М и полициските службеници. Дека се работи за настан од 20.10.2019 изјавиле и полициските службеници, кои појасниле дека тој ден извршувале работни задачи на обезбедување на претседател на политичка партија, што било потврдено и по увидот на системот на вработените лица во МВР.
✅ Дотолку повеќе дека се работи за стара снимка потврдува и изјавата на И.М. кое е лице вработена во конкретниот фитнес центар и која во својата изјава посочува дека видно од снимката која беше објавена на социјалните мрежи се гледа шкаф кој е без врата, а врата на истиот шкаф е поставена во ноември 2019 година.
‼️Врз основа на преземените мерки, Одделот за внатрешна контрола смета дека наводите изнесени на социјалните мрежи во врска со постираниот видео запис се неосновани, односно нема прекршување на одлуката за ограничување на движењето од страна на конкретните лица.
🗣️ Министерството за внатрешни работи апелира до граѓаните и медиумите да се воздржат од пласирање и објавување неточни и невистинити вести и информации.
-соопштува Наќе Чулев.
Во врска со истиот овој случај во јавноста се одзва и лидерот на ВМРО-ДПМНЕ Христијан Мицкоски:
Лагата излезе на површина, исто како и изворот на тие лаги, СДСМ.
И лагите се нивната основна дејност за да го покријат грабежот на буџетот кој во првите три месеци изнесува 120 милиони евра, или секое домаќинство го задолжиле за 15 илјади денари, за да корумпираат целни групи за изборите кои се одложија. И нормално нема ниту да се извинат што со денови ја лажеа јавноста и го валкаа моето име. Но поважно од сето ова, а на кој одговор треба да дадат господата од СДСМ е која парапартиска структура врши мое следење, и кога тоа ми го прават мене, можам само да замислам каков е односот и кон другите граѓани.Наместо да лажат, треба да спасуваат животи.
И дека е лошо во економијата, е благ збор. Катастрофално е!
