Дафина Стојаноска од редовите на ВМРО-ДПМНЕ денеска на вонредна прес конференција ја алармираше јавноста за детали поврзани со појавата на новиот заболен случај од Корона вирус во Скопје.
“Здравјето на граѓаните поради неспособноста на владата и Министерот Филипче е доведено во прашање. Се доведовме во ситуација неспособноста на филипче да се плаќа со животите на граѓаните.
Оние кои треба да ги заштитат граѓаните од ширење на Корона вирусот се главен извозник на Корона. Ова може да биде почеток на целосен колапс на здравствениот систем. Ако падне Клиничкиот центар “Мајка Тереза” ќе падне целиот здравствен систем.
Граѓаните ќе останат без заштита.”
-соопшти денеска на вонредната прес конференција поранешната пратеничка на ВМРО-ДПМНЕ во Македонскиот парламент од Гостивар Дафина Стојаноска.
Поранешната пратеничка упати апел во јавноста за поголема и поквалитетна организациона активност на здравствените власти во насока на спречување на вакви случаеви на неодговорност кај најповиканите лекари кои треба да ги спроведуваат препораките за превенција и заштита на граѓаните од ширење на вирусот.
Притоа повика на директна одговорност и поднесување оставка од страна на Венко Филипче како и кривична одговорност за одгоорната директорка која ги изложила своите колеги на удар на епидемијата.
Притоа одговарајки на новинарско прашање Дафина Стојаноска ја алармираше јавноста за состојбата со болницата во Гостивар и за тамошните капацитети за справување со препораките и наложените активности од страна на надлежните.
