Градоначалникот на општина Симитли Апостол Апостолов и амбасадорот на Република Македонија – Н.Е. Марјан Ѓорчев, одржаа работна средба на која ја коментираа можноста за изградба на граничен контролен-премин меѓу Симитли и Пехчево, за кој двете општини веќе имаат подготвен детален дизајн.
На средбата беа разгледани параметрите на проектот и како со отворањето на границата ќе се олесни слободното движење на луѓето во двете општини. Амбасадорот Ѓорчев и градоначалникот Апостолов се категорични дека по создавањето на овој пункт ќе бидат засилени добрососедските односи, ќе биде развиена економија Симитли и Пехчево, а и на регионите околу нив.
На средбата беше потенцирано и доброто искуство од досегашното успешно партнерство за заеднички проекти на локално и национално ниво.
Градоначалникот Апостол Апостолов инсистираше пред амбасадорот на Македонија дека општина Симитли поддржува и изградба на граничен премин Клепало меѓу општините Струмјани и Берово, бидејќи тоа ќе биде дополнителна шанса за развој на бизнисот во регионот.
