Еден од најстарите народни собири во овој дел на Балканскиот полустров кој се реализира од памтивек е народниот собор кај Манастирот Света Богородица (Источен Петок) Балаклија во атарот на Делчево, во прекрасното подножје на планината Голак.
Не е познато како започналe случувањата околу овој собир, но евидентно е дека станува збор за собор од верска природа поврзан со постоењето на овој манастир манастирот.
Традиционалниот собор кај манастирот Св.Богородица Балаклија и оваа година ке биде центар на посета за многу соборјани.
Денес (петок 02.05.2019) година во прекрасниот природен амбиент кај овој прекрасен манастир ке се одржи од памтивек традиционалниот собор, кој бил центар на голем број посетители и граѓани, како од регионот на Пијанец-Малеш, така и пошироко.
Соборот ке започне во 13.00 часот за кога се очекува поголем број на граѓани да се соберат во дворот на манастирот Св. Богородица Балаклија.
За сите посетители на ова древно место во 14.00 часот ке започне да се дели свечен свет ручек-курбан во организација на МПЦ и манастирскиот одбор од донаторски карактер.
Овој собор се одржува на ова свето место уште од памтивек, за што говорат усни кажувања од постарите жители од Пијанец. Од 2009 година се покрена иницијатива од страна на директорот на НУЦК Никола Јонков Вапцаров за организирање и одржување на фолклорен изворен фестивал, кој ке биде значаен белег и центар на развој на фолклорот во Македонија воопшто.
Овој фестивал се реализираше со сиот негов сјај до 2017 година по што почна да замира оваа воспоставена традиција. Секако потребни се уште поголеми напори од страна на локалните и националните институции и други организации, се со цел оваа иницијатива да го доживее својот цут со сиот свој сјај да биде вистински репрезент на богатото културно живо наследство кое од колено на колено со генерации се манифестира низ вековите.
