По реализираната регистрација во Централен регистар на Република Македонија, започна со работа новото граѓанско здружение Меѓународен центар на Македонската дијаспора “Нова Зора” Делчево.
Како што информираат од страна на Извршниот одбор на организацијата станува збор за независна граѓанска организација во која врз основа на доброволна изјава членуваат граѓани на Република Македонија и странски државјани, која се залага за соработка и поддршка на Локалните заедници од Македонската дијаспора за унапредување на различни области.
Основна Цел на Здружението Меѓународен центар на Македонската дијаспора “Нова Зора” Делчево е да ја подобри соработката на локалните заедници во Република Македонија со припадници на Македонската дијаспора ширум светот во различни области.
Специфични Цели на Здружението Меѓународен центар на Македонската дијаспора “Нова Зора” Делчево се:
• Промоција и афирмација на локалните заедници во Република Македонија во домашни и меѓународни рамки;
• Одржлив локален и рурален развој на локалните заедници во Република Македонија;
• Поттикнување на процеси за размена на позитивни искуства и пракси и примена на најсовремени знаења и технологии за развој на локалните заедници во Република Македонија;
• Меѓусебна соработка меѓу локалните заедници во Република Македонија;
• Соработка на локалните заедници од Република Македонија со локални заедници од странство;
• Заштита и афирмација на културни (нематеријални и материјални) вредности на локалните заедници во Република Македонија.
Други Цели на Здружението Меѓународен центар на Македонската дијаспора “Нова Зора” се:
• Да организира советувања, семинари, научни симпозиуми, манифестации, јавни дебати и настани за промоција и активно вклучување на локалните заедници во главните општествени текови;
• Да учествува на семинари и јавни настани од интерес за постигање на главната и специфичните цели;
• Да предлага мерки и активности на надлежните органи, институции и стручни служби, со цел унапредување на соработката меѓу различни субјекти на локално ниво, како и да учествува во следење на нивната имплементација;
• Да организира и спроведува обуки за развој на капацитетите на членовите на Здружението;
• Да соработува, да се поврзува и да се зачленува во други домашни и меѓународни организации кои работат на иста или слична проблематика;
• Да обезбедува материјални, финансиски и правни услови за работа на здружението и неговите членови.
За сите активности на Здружението јавноста може да се информира на нивната фејсбук страна достапна на сл. линк https://www.facebook.com/novazoramkd а за дискусија со членовите, поддржувачите и симпатизерите секој граѓанин може да се придружи на сл. јавна фејсбук група https://www.facebook.com/groups/novazoramkd .
За во иднина се најавива операционализација на Програмските активности на здружението, со што ќе се воспостават контурите на нивно идно делување и работа.
