Во Кочани традиционално ќе се оддржат „Денови на кочанскиот ориз“, на 27, 28 и 29 септември. Објавен е и конкурс за пријавување за изборот на жетварска убавица. Може да се пријават девојки кои се жители на општина Кочани и се на возраст од 15 до 20 години, а во изборот може да учествуваат најмногу 15 учеснички.
Пријавувањето е од 6 до 12 септември 2018 година во Општина Кочани. Изборот на жетварска убавица има посебна симболика каде жената според традицијата ја започнува жетвата. Со овој настан ќе започнат „Деновите на кочанскиот ориз – 2018“, со локација во Градскиот парк во Кочани.
