Сепак…мислевме ке биде со подобар крај…или НЕ е крај. Или ова е само сон, и тоа лош?!Ми се моткаат разни прашања обременети од тежината на горливата политичка состојба во која се доведовме,Ние, Народот на Р.Македонија.Не на Ф.И.Р.О.М., не на Б.Ј.Р.М., не на Горна Македонија или Северна…Кореја не ни е рамна во гафови и ексцентризам!?..а бевме и ,,оаза на мирот,, а бре ајде? 30 години сме жртви на нечии туѓи постулати и желби, туѓи планови за Живот задугарски.Уште еднаш се докажа дека на Западот воопшто не му е гајле за десница или левица, за либерализам во банкноти или за конзервативни партии. Се е тоа,беше и остана само Извештај кој се разгледува, препраќа и исмејува. Ако оваа држава Р. Македонија овие 30 години не заслужила членство во НАТО тогаш прашањето е зошто толку силни мисии на наша војска во Авганистан, Ирак,секаде
Зошто?
Ме мачат и многу други прашања од безбедност до економија, од Македонија па се до Грција, од името па се до знамето, од химната па се грбот…а тој ,грбот, избоден уште еднаш. Не дека е првпат! Сме навикнале во текот на ова наше битисување како Македонци од Македонија на предавства, на продажби и на тргување со националните интереси. Но дали Народот памети?
Паа, ке видиме? Дали партиските полтрони се спремни да се откажат од ситните бенефиции а да не прашувам дали би оставиле душа за Македонија? Кога победува едната се преструктуираат во очајната желба за парче повеке политичка моќ, некоја функција и степен погоре и понекоја залутана паричка?Ајде негирајте ме?А ако грешам простете и на мојата маленкост чунки јас за пари не се лажам и моето Его не признава цена!
За мене Јас сум си политички бесценет? За вас вие си знаете?! На широките зелени ридја ги гледам невладините како копаат ровови спремни за уште еден сајбер напад на смартфоните. Само сега канцелариите од улица преместени во комфорот на власта. Интересен и смешен процес е ова владеењето кај Македонците?!Ако не беа Албанците , Ние, Македонците (т.е. некои поголеми групи и од ваму и од таму, разбирате?) до ден-денешен немаше да го научат зборот КАУЗА. Е па сега на наш грб де, ама бар ке научат!? А допрва ке се дешаваат дешавки, како што вели еден мој драг пријател, би рекол дека сите случајности воопшто не се случајни и дека случки ќе се случуваат. Денес прочитав дваесетина колумни од т.н. ,,независни,, автори, кои леви кои полеви а богами и десни. Десни ама без десница, ако ме разбирате? Повеке би рекол триги-комични супстрати на научено, потковано и набилдано со политички очај и лажен сјај.
Каде се Македонците? Очајно ги барам, дали јас сум изгубен во толпата или тие се изгубени во европската толпа? Навистина, очајно ги барам!
И денес црните хроники се полни.Влегуваме во нова фаза. Жолта?!
Жарот полека згаснува а очајните душички желни за троа млекце од Мајка, се местат околу дојките, чунки абер им пуштиле од јабана.Море, пуста да остане пустињата!Со мокта на Луцифер и со дванаесте демони оковани со златни пранги и црни печат-прстени шетаат по светот и владеат со мирните и од Бога возљубени народи.Младите кои беа порелигиозни, испотени и забрефтани бараат нов сјај, нова надеж за власт, нова идеја, а плукаат по стекнатото, и знаење и шанса , како да не им е дадено.Секогаш бараат повеке и повеке. Ах, таа младост!Зафрлени некои пак си ги бараат неискористените шанси додека останатите продолжуваат со Шоуто. Да се вратиме на Играчите…тие останаа и таму и овде. Поделени улоги на старо-нови ликови, една шема која секогаш пали, со многу многу пари,…но пали.Во една мрежа на агентури, поврзаност, систем на старо-ново и ново ама старо, со години рововско товарење, само и само да се разбие еден систем на вредности , една милитантна хиерархија на водење политика преточена во четирите свети букви ВМРО. Инструкции од правници, политиколози, економисти и разно-разни стратези белосветски се синтетизирани во една голема и преплатена операција да се обезглави Лавот за да се владее на раат со ,,оазата на мирот,,.
Пред неколку години и на дело започнува истата да се реализира.Колку ли наши блиски пријатели со кои сендвичот и кафето сме ги делеле и правеле листи и списоци, колку ли ,,наши,, т.н. де, биле и ваму и таму.Колку ли финансии се отепаа од земање преку Играчите на Големата Ложа, правно заглибени во своите ,,духовни,, вредности, Тие, Јуди на 21-от век. Ги распознавам по остриот мириз на продадено и ефтино човечко месо.Како волк во темна нок ги барам по осет за да бидам подалеку од нив, за да не се ставам во грев, ко што вели еден наш познат мак политичар, за да не ги изедам!? А јагнињата печени, нашашвртени ,еднаш варени на тивок оган , ни да умрат ни да живеат!?Во матната река ги нашле за се препознаат како херои на новото време а во основа овци. Во матното ги препознале за да во бистрина почнат да владеат како Антилидери. И ако Дивите ГИ избркаат питомите ке останат старите историски книги како доказ за едно време, за една држава…
Иако мојата смисла сега ви изгледа чудна и бесмислена, еден ден ке ви биде четиво. Тешко на оној народ кој престанал да сонува и да користи метафори. Оксиморон е вашиот Антилидер-морон! Затоа ги замолувам пасивните обсервери од првите редови да не фрлаат со јајца по театарските работници а не обични статисти на денешнинава. И престанете во секое мое Слово да барате две. Дојдовме до дереџе кога земјава ни зависи од кутриња кои жалко квичкаат додека Волкот завива во ноќта глува. Престане ли почнуваат да лаат осилени и во налет. Од еден куп државички зошто баш мојата ја одбравте Географија ли?
Историја ли?
Патот на Свилата?
Турски тек?
Регионални прекројувања?
Негде граница на бизнисот светски мора да има нели?!
Со куп хипотеки и опашки бараат правна држава и црква со црни богохулници! А кој сум пак јас да им го рушам раатот?Ако се достојни на Бога, Бог нека им го покаже Патот?! Нам не ни се виновни останатите за да плаќаат за нашата индиферентност. Никој не ни е виновен. Самите мора да ја прележеме и оваа болест. Политичка индигнација не можеш да екстрахираш од растителни видови на еднинки кои се хранат со долари и секојдневни трачарења. Таа фолклористика на кич и лажен сјај ке ви помине заедно со силата на нашите антагонисти поткрепени од јабана. Очекувам следни избори да бараме харизма и ликови со кураж, со софистицираност и резигнација наместо шема на Движење кое не се движи. Да одбереме кредибилни и одмерени, начитани и неустрашливи ликови, воини на нова интелигенција а не предавници и кафепијачи. Не ги гледајте оние кои бараат рогови, тие сигурно и даноци не плакаат!?Погленете околу себе, видете го комшијата, братот, другарот, подадете му рака за да тој ве оцени, за да тој биде главниот фактор…ама не го барајте само за гласање. Затоа што и утре ние ке бидеме тука. И утре ке има сончеви денови и денови на дожд и бура. А кога ке изчезнат црните гаврани од политичкото небо ќе правиме промоција на квалитет а не на оговарачи и плукачи кои се дрзнуваат да се наречат и мажи. При толку експерти во оваа наша небиднина и оправија нема потреба да се грижиме за нашата иднина. И бидејки мојата личност, лична и необезличена не трпи дволични не знам како повторно да бидам Војвода на гласачите. Ке ми треба сила за да ги надминам субмедиокритетите кои бараат експликација а всушност знам дека се зезаат со мене и со моето его.
Гласам за новото утро па макар тоа да ни носи и Арктички ден.
Гласам за скромност и благородност.Гласам за работа и професионалност.
Гласам за принципи и христијански погледи.
Гласам за Човеци а не за Луге.
Гласам за Гласачот!
Тој е мојот лајт-мотив.
Пишува: Гоце Марков
-колумнист, Македонец и Човек
