Откако беше предложен од страна на ВМРО-ДПМНЕ за кандидат за пратеник од редовите на Коалицијата за “Обнова на Македонија”, Драган Ковачки преку својата фејсбук страна упати свое кратко соопштение за тоа што на него му е важно како човек, делчевец, Македонец.
Во продолжение интегрално ја пренесуваме ова негово обраќање до јавноста:
Зошто секој #Македонец е важен!
Зборот Македонец во ова наше време има посебно значење во денешен но и во историски контекст.
За мене тој збор значи труд, работа, чесност, почитување на закони и дисциплина.
За мене зборот #Македонија значи неизмерна #љубов кон татковината, значи посветена #борба секој ден без престанок, за доброто на Македонскиот народ.
ОБНОВАТА ЗАПОЧНУВА СО СЕКОЈ ОД НАС.
Драган Ковачки се наоѓа на 11-тото место на кандидатската листа на пратеници во третата изборна единица на Коалицијата за “Обнова на Македонија”, листа предводена од Генералниот секретар на ВМРО-ДПМНЕ Игор Јанушев.
Покрај Драган Ковачки од Делчево на 19-то место на кандидатската листа за пратеници од редовите на Коалицијата за “Обнова на Македонија” се наоѓа и Христина Смилевска која е посветен активист на опозициската ВМРО-ДПМНЕ, која на свои плеќи ги осети најсуровите режимски методи на власта предводена од Зоран Заев преку притисок и преместување на нејзиното работно место од Делчево во Берово, на подолг временски период.
Драган Ковачки потекнува од Делчево од работничко семејство. Растен како и секој млад делчевец во бурните времиња на приватизацијата , чекор по чекор низ образовните процеси во Република Македонија го стекнувал своето знаење, искуство и компетенции. Делчевчани го паметат како човек со бунтовен дух и принципиелен карактер, кој секогаш се залагал за вредностите кои биле дел од неговата личност.
Драган Ковачки е дел од безбедносните структури на Република Македонија во време на воениот конфликт во 2001 година речиси на сите фронтови линии почнувајки од Танушевци, Тетовското кале, Арачиново итн.
Во рамки на својата професионална биографија која е навистина импресивна стои дека има завршено повеќе високи школи и обуки во Соединетите Американски Држави и Европа. Има завршено на Кралскиот колеџ за одбранбени студии во Велика Британија, Командно-штабна академија во Р. Хрватска и Воена Академија во Р. Македонија.
Бил дел од огромен број високорангирани обуки за стратегиско лидерство и контраразузнавање во Обединетото Кралство Велика Британија и во САД како и дел од обуките на НАТО алијансата каде има успешно завршено обуки за команданти на НАТО, НАТО обука во Германија, НАТО обука за офицери во Шведска, и повеќе други обуки во Турција, Бугарија и други земји.
Драган Ковачки бил командант на Првата механизирана пешадиска бригада , началник на секција за операции и борбена готовност во Првата механизирна пешадиска бригада, раководител на Сектор-Служба за воена безбедност и разузнавање во Министерството за Одбрана, началник на одделение за контраразузнавање во воената служба за безбедност и разузнавање, офицер за разузнавање и вршител на должност началник на секција за безбедност и разузнавање во полкот за специјални операции, офицер за специјални операции и за разузнавање во мисија Слобода за Ирак-1, Командир на противтерористички тим во Шестиот одред и други функции,
За својата служба во редовите на Армијата на Република Македонија Драган Ковачки е носител на Плакета на АРМ за учество во првата воена мисија на АРМ во Ирак “Слобода за Ирак 1”. Исто така е носител и на Пофалница за остварени резултати во процесот на борбена обука и воспитување, како и Медал на командно-штабната школа во Р. Хрватска.
Драган Ковачки е носител на чин Полковник во Армијата на Република Македонија.
Драган Ковачки со својата сопруга се горди родители на две деца кои што се посветени на своето образование и стручни квалификации.
Помеѓу своите другари и пријатели во приватниот живот важи за ведар и ненаметлив човек, кој и покрај одговорните обврски во служба на Македонските граѓани секогаш има време за дружење и потпора на пријателите.
Драган Ковачки е голем љубител на Македонските планини и планински врвови каде секогаш кога има можност рекреира со пешачење и планинарење.
