Плодна промотивна недела за збирката афоризми “Трагачи по парадокси” во избор на Македонскиот афористичар Миле Ѓорѓијоски.
Во сабота 27.10.2018 година најновата збирка на афоризми во која се застапени дваесет значајни афористичарски имиња ќе биде промовирана на Белградскиот саем на книгата во соседна Србија. Промоцијата на овој значаен саем на книга на Балканот ќе започне во 13.00 часот.
Потоа истиот ден со почеток во 19.30 часот збирката ќе ја доживее и својата промоција во Темишвар, Романија.
Новата Антологија на афоризми во избор на Миле Ѓорѓијоски насловена како “Потрага по парадокси” е четвртата книга од едицијата Балканска сатира во издание на фестивалот In Vinica veritas, Дом на култура „Тошо Арсов“ Виница. Овој пат уредникот на изданието нуди избор од преку две илјади афоризми со кои го претставува афористичното творештво на дваесетина врвни афористичарски имиња од Босна и Херцеговина, Бугарија, Македонија, Романија, Република Српска, Србија и Црна Гора. Тоа се автори кои значат нешто, не само во своите земји, туку и на Балканот, а и пошироко. Автори кои заедно имаат издадено повеќе од двеста книги. Сатиричари кои се носители на врвните светски награди од областа на хуморот и сатирата. Тоа се докажани мајстори на пишаниот збор, кои колку повеќе штедат на зборови, толку повеќе кажуваат. Афористичари за кои нема никакви тајни во најтешкиот род од литературата, творци за кои, како што ќе забележи иконата не само на српскиот, туку и на светскиот афоризам,
-стои во предговорот на изданието.
Рецензијата за изданието е направена од Александар Чотриќ, Србија; Љупчо Силјаноски, Македонија i Валери Бутулеску, Романија.
Дизајнот за корицата го создаде Саша Димиртријевиќ од Србија а компјутерската подготовка на изданието за печат ја направи Кирчо Анастасов.
