Неопходноста од превземање на сите мерки и доследности на една Револуција која поради историските параметри како меѓу Комшиите меѓусебно, така и меѓу Големите е реална слика за една точка на карта каде географијата како главен виновник си ги зема жртвите.
Да, жртвите и саможртвите, поим за денешно време мисловна именка (особено за некои ,,ваши” а и ,,наши” секако).Имате еден период повеќе еволутивен, додуша никогаш развиен докрај за да се роди, секогаш абортиран од абортираните единки т.н.Антилидери, од Бога назначени човеколики андроиди донесени за уништување на Територијата.
Македонецот секогаш сакал мир, соживот, заедничка иднина, и секогаш изневерен од блиските, комшиите и далечните – големџиите.
Умереноста на еден Народ до степен на ,,Кубур во појас за зловреме” е единствена експликација за наивата, човечноста, обичноста и простата душа напатена. Желбата за Слобода и Независност и релациите на најблискиот се подоцна дел од Историјата на школување наши дејци и умови, овде близу, а сепак далеку. Некој со скрита желба за Независима а друг за Профит контрапункт на Организацијата која била цицка за двете опции. Финансиите и логистиката се разбира се секогаш неодминлив дел на Борбата која и не би постоела без подршката, помошта и (не)себичноста како позадина, апликација која работела 24/7, само и само Дворот или Моторот? А тој, вториот секогаш во Тројка, паралела на работата, теренот, куќите, луѓето, селата…се она семакедонско.
Секој со својата приказна!? Гркот со грчката!? Бугаринот со бугарската!? Србинот со српската!?
Само Македонецот бил македонче во нивната призма на искривоколчување на историските текови.
Ако Вие, Големџии, Сили на индиферентниот Суд сте наши извршители и кадии истовремено, да Ви порачам: Јас сум Македонец!!!
Истово го порачал и Никола Карев, и завршил онака како што завршил…секако ЗА Македонија.
