“ Националните предавници биле со визија, а ние што ќе го БОЈКОТИРАМЕ референдумот сме биле луѓе без визија!
Ликови од кои нацијата се срами, како што би се срамела и секоја друга нација, налогодавците ги презираат и им се подсмеваат додека ги употребуваат, се ликовите со визија, а ние што сме го освоиле светот сме без? Постојат ,,визија“ и визија. Визија за иднината е кога постои основа за нејзино исполнување. ,,Визија“ е кога не постои основа, што значи или е лага за опстанување на власт, како во случајот со македонската тројка (Заев, Шеќеринска, Димитров) или е неостварливо мечтаење на скромен ум.
Во македонско грчкиот конфликт никогаш не се работело за името, а секогаш се работело и се работи за барањето на Грција македонската нација и македонската држава да се избришат од постоење. Ова барање е содржано во сите изјави на сите грчки претседатели, премиери и министри за надворешни работи, објаснето е и во мемоарите на Крсте Црвенковски, а сега е исполнето во ,,договорот“ чие прифаќање од страна на македонскиот народ е поставено на референдум.
Референдум за легитимизирање на национално предавство направено од страна на владата на премиерот Зоран Заев, а НАТО и ЕУ се параван кој треба да ја скрие вистината. Референдумот е за прифаќање на договорот со Грција со кој престанува да постои македонската нација! Кратко и јасно! Ниту е за НАТО ниту за ЕУ! Амбасадорите веќе не именуваат како словенска толпа без етнички и без национален идентитет. Сите други етникуми во Македонија (Албанци, Власи, Роми, Срби…) го задржуават својот идентитет. Македонија не станува Америка во која со добивање пасош стануваш Американец, туку станува земја на јасно дефинирани етникуми (набројаните) и етнички и национално недефинирано мнозинско словенско население.
Една криминална власт според сите закони на земјата и според законите на секоја земја, наметнува криминален референдум, незаконски, противуставен. Ако на Македонија и претстои светла иднина, зошто прашањето на референдумот е закукуљено и замумуљено? Зошто не е јасно дефинирано, дали го прифаќаме договорот со Грција и нашето непостоење како Македонци? Каква врска имаат ЕУ и НАТО со овој договор? Договорот со Грција не ја води Македонија кон европските вредности кои пак вредности немаат никаква врска со бриселскиот паразитски шљам, туку ја води кон распаѓање на националното ткиво и поделба на земјата.
Македонија оди кон амбис на непостоење!
Без постоење македонска нација, кој е обединувачкиот фактор за постоење на македонската држава? Концептот (диктатот) кој оваа власт го спроведува е точно тој, непостоење Македонци и поделба на земјата. Нашето бришење како македонска нација и поделбата на македонската држава за тројката на власт значи продолжено владеење но пред се надеж за избегнување на кривична одговорност за злосторот врз македонската нација. Власта во паника, бара излегување на гласање, бара присуство, бара цензус. Зошто? Затоа што ќе можат да го фалсификуваат како што сите досегашни избори беа фалсификувани.
БOJKOTOT е последната шанса Македонија и Македонците да постојат, а луѓето што ја доведоа Македонија во ваква состојба да бидат изведени пред суд за да го објаснат своето делување.
#bojkotiram
#бојкотирам”
– напиша Проф. Росоклија.
