Протестот на оризопросизводителите поддржан од земјоделците од останатите земјоделски гранки наиде на општа поддршка од граѓаните во регионот.
На лице место на самиот протест кај селото Облешево каде што оризопроизводителите го упатија својот последен крик против неповолната состојба која ја загрозува нивната живеачка беше траорна атмосферата од сведоштвата на луѓето кои со својата мака и пот се обидуваат да произведат храна за себеси и за остатокот од државата, а државата за тоа не им возвраќа на соодветен начин.
Ниската откупна цена на оризот во светска економска криза и најавена криза за храна е неразбирлив факт кој што ја запечатува судбината на оризопроизводителите кои не гледаат повеќе никаква логика во тоа што го работат и се заканува уништување на целиот сектор.
На лице место во поддршка на овие луѓе беа градоначалници и пратеници од редовите на ВМРО-ДПМНЕ кои што сочувствуваат со оризопроизводителите и се обидуваат со сите сили да им помогнат за да ги надминат своите маки.
“Денеска, во Облешево, заедно со Зоран Коцевски, Даниела Христова, Цветан Трипуновски, заедно со градоначалниците Борчо Коцев-Градоначалник на Општина Зрновци, Виктор Паунов – Градоначалник на Општина Карбинци, Далибор Ангелов Градоначалник Чешиново-Облешево и потпретседателката Гордана Димитриеска-Кочоска, изразивме целосна поддршка на барањата на оризопроизводителите од кочанско!
Во ситуација на закана од глобална прехрамбена криза, додека сите светски влади работат на заштита на земјоделците, нашата Влада на Република Македонија нема знаење, нема интерес, а очигледно ниту желба да им помогне на нашите производители на храна!
Оризопроизводителите од стопанственици, се претворија во социјалци кои се борат за егзистенција!
Како опозиција уште на 6 мај предложивме две законски решенија:
Предлог на закон за изменување и дополнување на Закон за земјоделство и рурален развој-каде се предвидува оризот да биде стратегиска земјоделска култура, и
Предлог на закон за изменување и дополнување на Закон за стокови, каде се предлага оризот да стане дел од производите кои ги сочинуваат стоковните резерви.�Со ова, Агенцијата за стокови резерви ќе може да работи со оризот како со другите култури и ќе овозможи пазарните вишоци да бидат откупени од страна на државата.
Преку ова ќе имаме зголемен откуп и реални пазарни цени на оризот!
За жал за Dimitar Kovacevski ова се неважни и споредни прашања, очигледно поважни се тендерите, криминалот и “приватната прослава” на неговиот вице-премиер Груби!”
-соопшти во јавноста пратеникот Миле Лефков.
