Општината Македонска Каменица со нејзините рурални места како и градското јадро претставуваат неоткриен бисер за секој добронамерник. Гостопримството на овие преубави населени места се истакнува со кроткиот и раскошен дух на нивните жители кои што опстојуваат на овие простори и покрај сите премрежја кои се случуваат во државата. Нивното секојдневие е исполнето со многу труд и напор се уште “тврдоглаво” работејки земјоделие. Оние повозрасните не уживаат многу во своите пензии кои што не стигнуваат за да се истера месецот па мораат да поработуваат земјоделие за прехрана иако во поодминати години.
Овие луѓе кои се распространети не само во Македонска Каменица туку и низ целиот Брегалнички регион, немаат големи и кој знае какви барања за локалните власти. Само основна инфраструктура која што во 21 век е некоја основна нормалност за живеачка.
Во таа насока градоначалникот на општина Македонска Каменица Димче Атанасовски посветува огромно внимание за сите жители на општината независно дали се и во најодалечената периферија.
Прочистувањето и оспособувањето на локалните патишта за сообраќај до секое едно населено место кои се во поголем обем од разбиен тип низ целата општина, до секој дом независно колку е одалечен од градското јадро, е дел од лепезата на активности на локалната самоуправа со кои градоначалникот посветено се труди да излезе во пресрет на секој жител на општина Македонска Каменица.
Деновиве жителите на повеќе маала кои се дел од селата Моштица, Саса, Косевица, Цера сведочат на интензивните активности на градежна механизација ангажирана од општината за да ги доведе во возна состојба сите локални патни правци кои што беа деградирани од атмосферските влијанија во последните неколку месеци.
“Со засилен интензитет ги прочистуваме локалните патишта во руралните средини. Во последните две недели ги прочистивме патиштата до маалите Алебаци, Трканица, Аџии, Буовци и Филиповци во село Саса, до Караџевци во село Косевица, Гребен во село Моштица, а во моментов се работи во Средоко во Горна Цера, каде патот е во катастрофална состојба и каде ќе се носат дополнителни количини тампон.
Во 2023 година ќе асфалтираме рекорден број локални патишта, а голем дел ќе бидат тампонирани и подготвувани за асфалтирање во 2024 година.
Продолжуваме посветено во создавање подобри услови во секој дел од нашата Општина.”
-информираше денеска за јавноста градоначалникот на општина Македонска Каменица Димче Атанасовски.
