Секоја куќа каде што живеат граѓани, во 21 век да нема водовод и канализација е злосторство против човештвото. Политичките заложби на градоначалникот Димче Атанасовски одат токму во таа насока за обезбедување на основна комунална инфраструктура за секое домаѓинство во општина Македонска Каменица. Водоводна и канализациона линија до секој дом, како и патна инфраструктура е една од основните цели за реализација на градоначалникот Атанасовски со што Македонска Каменица ќе стане првата општина која ја има постигнато ваквата цел.
“Во девет месеци изградивме водоводна и канализациона мрежа како никогаш претходно, во речиси сите средини. Ќе продолжиме со уште поинтензивно темпо се до конечно решавање на проблемите од ваков карактер.”
-соопшти градоначалникот Димче Атанасовски за јавноста во врска со реализацијата на ваквите проекти.
Јавното Претпријатие “Камена Река” од Македонска Каменица деновиве активно работи на поставување на секундарна водоводна и канализациона мрежа за жителите на руралните населби “Павлиш Дол” и “Грчо Маало” а ваквата динамика ќе продолжи и во иднина кон останатите населени места.
“Започнавме со изградба на нови водоводни линии и сегменти од секундарната водоводна мрежа за потребите на жителите на Македонска Каменица од приградските населби Павлиш Дол и Грчко маало.”
-информираат од ЈП “Камена Река” од Македонска Каменица.
