Претседателот на ВМРО-ДПМНЕ, Христијан Мицкоски во рамки на неговата работна агенда денеска беше во посета на граѓаните на Кавадарци. Како и секаде низ државата каде што се движи помеѓу народот и во Кавадарци стои истата слика на регресија во сите сфери на општественото живеење кое што е под недомаќинскиот и расипничко однесување на централната власт.
Во продолжение го пренесуваме во целост соопштението пренесено лично од Претседателот Мицкоски:
Денес сум во Кавадарци, каде овие денови се случува и тиквешкиот гроздобер кој што е еден убав настан кој воедно е заштитен знак на градот.
Но истовремено има огромна загриженост кај граѓаните и она што се случува во нашата држава. Од власта преку бруталните и прескапи медиумски кампањи платени со државни пари постојано велат дека народот имал шанса, а шансата во реалноста е смена на името, идентитетот, пасошите личните карти. Шансата е за смена на име и иднина исполнета со секојдневни афери, криминали, неспособност, сиромаштија, уништено здравство и образование, затоа што шансата која ви ја нудат вам, е единствено шанса за оние кои што се на власт, да продолжат да крадат и уништуват.
И ова што ви го зборам е веќе видено, и веќе докажано, имаат година ипол власт за која не започнаа ниту еден нов километар автопат, не изградија или започнаа да градат ниту едно ново училиште или болница. Лозари кои имаат проблем со откупот и ја делат судбината на илјадници други земјоделци кои се соочуваат со истите проблеми, истата мака, а тоа е што нивниот труд не се плаќа. Година ипол преполна со разочарување.
Велат од власта дека потребен бил чекор нанапред, но ние на маса имаме договор кој е капитулација и сме на работ од провалија, и тој чекор напред значи пад во провалија. Со овие луѓе нема ниту шанса, ниту иднина, затоа што таа шанса ја прокоцкаа, и таа иднина нема да дојде.На Македонија и се потребни суштински промени и реално подобрување на животот, за тоа е потребно работа, труд и енергија и само така Македонија ќе победи, затоа што секој живот вреди, и затоа што секој човек заслужува вистинска шанса.
