Претседателот на Општинската организација на СДСМ Куманово Мартин Костовски кој доживеа пораз на неговата општинска организација од Максим Димитриевски на локалните избори, дава недвосмислена и безрезервна поддршка за Зоран Заев да остане на лидерската позиција на СДСМ.
Ваквата поддршка следува по најавите на Зоран Заев дека поднесува оставка на претседателското место во СДСМ и од премиерското место во Владата, која што е делегитимирачка со оглед на фактот што тој како претседател на ОО Куманово е избран токму под претседателската палка на Зоран Заев. Вака излегува дека потчинетиот во партијата го поддржува својот надлежен и покрај нивниот заеднички неуспех ан локалните избори кои завршија вчера.
„Јас Мартин Костовски претседател на ОО СДСМ-Куманово, од денеска покренувам иницијатива кај сите социјалдемократи во државата за поддршка на претседателот Зоран Заев. Недвосмислена и безрезервна поддршка да остане на лидерската позиција во СДСМ. Искрено и чесно, одговорно и храбро, многу дадовме за овие 5 години за Македонија, за СДСМ“,
-соопшти Мартин Костовски преку социјалните мрежи.
