Денеска на своја прес конференција во јавноста говореше Иван Јорданов, претседател на ОК ВМРО-ДПМНЕ Штип. Тој упати силни пораки во врска со владеењето на парламентарното мнозинство чие што време заврши вчера со распуштањето на собранието.
Во продолжение во целост го пренесуваме текстот од неговата прес конференција:
“Ова е почеток на крајот!
Рекет дружината која беснееше во секоја област, која народот го исели и остави на питачки стап – почна да го губи тлото под нозете.
Времето на криминалните структури кои силуваа една држава, нација и закони заврши!
За се ќе им суди судот на народот со пресуда која ќе значи бришење од политичката сцена.
Овие три години ќе останат запаметени и запишани на најтемните страни на македонската историја, по изнесените милиони во торба, по корумпирани и разрушени институции, шверцерско усвојување на закони, по неправдата нанесена на еден библиски народ.
Почитувани сограѓани, СДС и јавачите на криминалот се минато во Република Македонија. Обновата е новата светла реалност. Бидете дел од неа. Ве повикувам заеднички да го донесеме новото добро за идните генерации.”
