На синоќешната седница на Државната изборна комисија по распуштањето на парламентот беше донесено Решението за распишување на предвремени избори за пратеници во Собранието при шпто беше усвоен и Роковникот за предвремените избори за пратеници.
Според Решението на ДИК изборите ќе се одржат во недела на 12-ти Април а роковите за извршување на изборните дејствија почнуваат да течат од денот на објавување на Решението во Службен Весник на Република Македонија.
Донесеното Решение се должни да го спроведат членовите на ДИК, Општинските изборни комисии, избирачките одбори и избирачките одбори за гласање во дипломатско- конзуларните претставништва на Република МАкедонија, односно конзуларните канцеларии.
Според Роковникот ДИК се должни во рок од 3 дена да достават Барање за доставување на податоци од МИОА за вработените во администрацијата најдоцна до 19-ти февруари а МИОА одговорот треба да го достави до ДИК најдоцна до 24-ти февруари по што же следува формирање на општинските изборни комисии најдоцна до 29.02.2020 година.
Потоа ќе следуваат формирањето на избирачките одбори во кои ќе треба да влезат предлозите на политичките партии за членови и заменик членови во ИО. Предлозите за членови и заменик членови нод политичките партии во ИО треба да бидат доставени најдоцна до 06.03.2020 година.
Јавниот увид на Избирачкиот список од страна на граѓаните ќе биде отворен на 26 февруари а ќе трае до 11 март до 24.00 часот во кој што период граѓаните же можат да вршат дополнување, запишување или бришење на податоци во Избирачкиот список.
Поднесување на листа на кандидати од страна на граѓаните ќе се врши со собирање на потписи пред службените лица на ДИК и пред надлежен нотар на образец утврден од ДИК. Собирањето на потписи пред ДИК за предлагање на листа за кандидати започнува десеетиот ден од денот на распишување на изборите т.е. 26 февруари и трае десет денови се до 06 март до 24 часот.
Избори и гласање според постојните закони и правилници ќе се одрѓат и о казнено-поправните установи и во дипломатско-конзуларните претставништва (ДПК/КК)
Листите на кандидати за пратеници во Собранието, овластените претставници на предлагачите ги доставуваат до ДИК најдоцна до 24 часот на 12-ти март 2020 година.
Интегрално Роковникот за изборите е достапен на сајтот на ДИК тука.
