Во текот на денешниот ден пратеници на Македонското собрание извршија увид-надзор во досегашната работа на новоформираната Оперативно-техничка агенција- ОТА од аспект на следењето на комуникациите кои што законски ги спроведува ова владино тело.
Емил Димитриев од име на собраниската комисија која го изврши надзорот даде изјава за медиумите која ја пренесуваме во продолжение:
Денеска бевме во прв надзор над новата агенција за национална безбедност,
-истакна Емил Димитриев и продолжи:
Главен фокус на денешниот надзор беше трансферот на наредбите за употреба на посебнaта истражна мерка, „следење на комуникации“. Во овој дел ги погледнавме сите наредби од моментот кога започнува новата агенција со работа. Констатиравме една ситуација којашто треба дополнително да ја провериме со другите институции коишто сметаме дека можеби ќе не доведе до фаза да го информираме јавниот обвинител да биде запознаен со ова состојба. Понатака ги гледавме наредбите коишто се сега оперативни, ги споредивме со логовите коишто преку кои се внесени овие наредби, и на еден начин извршивме увид во она што значи наследување на последната истражна мерка „следење на комуникации„ и каква е состојбата во моментов од аспект на следење на комуникации.
