Човекот кој со рачето на срце убедуваше дека нема да го промени уставното име, сега убедува дека вакцините се безбедни. Не е ни чудо што граѓаните немаат доверба во вакцините и се уште вакцинацијата во државата против Ковид-19 е на непосакувано мало ниво.
Нашиот народ кога еднаш ќе се изгори на жешко млеко, после дува и на јогурт а најголем виновник за ваквата недоверба кон институциите е лично Зоран Заев.
Тој во улога на промотор на кампањата “Вакцинирај се” денеска излезе пред целокупната македонска јавност со убедување кон граѓаните да се вакцинираат затоа што вакцините биле безбедни. Токму Зоран Заев кој што во изминатите 4 години беше првенец по лажење на својот народ е првиот што не треба да биде вклучен во оваа кампања, поради огромната недоверба кон него од страна на граѓаните.
Во предвечерие на локалните избори во Македонија, разбирлива е потребата на Зоран Заев да се промовира себеси и СДСМ со пари на граѓаните за да исќари некој политички поен плус, но ефектот поради крајно нарушениот кредибилитет на Зоран Заев оди на штита на здравјето на граѓаните затоа што поради измамничкиот лик на Зоран Заев се раѓа недоверба и кон самите вакцини.
