На денешната конститутивна седница која ја отвори и претседаваше најстариот советник Иван Бојаџиски беше верификуван мандатот на новите 23 советници и со 12 гласови „За“ и 11 „Воздржани“ беше избран советникот Јане Миланов за нов Претседател на Советот на Општина Штип.
– Како претседател на Советот, ќе работам во интерес на граѓаните на Штип и се надевам дека со двете коалиции ќе имам соработка. Сакам да се заблагодарам за довербата и се надевам дека сите заедно, на чело со градоначалникот Благој Бочварски ќе работиме во интерес на граѓаните – напомена Миланов.
Иван Јорданов од советничката група на ВМРО-ДПМНЕ истакна дека нивната констркуктивност ќе зависи од конкструктивноста во работењето на советничката група на СДСМ.
На денешната седница формирани се и комисиите и помошните тела на Советот на Општина Штип.
Имајќи во предвид дека Штип во среда го одбележува денот на ослободувањето, 8 ноември, Советот на денешната седница избра и Комисија која ги разгледува пристигнатите предлози за признанието 8 ноември кое се доделува традиционално на денот на ослободувањето на градот
