Во продолжение Ви претставуваме еден автентичен египетски метал бенд кој преку своја ориентална специфика пренесува пораки од глобално значење за човештвото.
-“Соодветно на нашата географска локација каде што Египет надвладејувал со векови ширејќи знаење и постигнувајќи повисоко ниво на прогресија… Чистејќи ја игноранцијата и темнината каде Египќаните ја сватиле суштината на животот, судот и воскресението… Учејќи го светот на античките огромни полиња на наука.
Ова царство се издигнуваше со милениуми и исчезна но сепак остана погребано во мориња од песок оставајќи зад себе чуда на мистика и многу лекции кои сведочат за него. Како што историјата се преповторува себеси и во секој аспект од животот, единката на она што може да биде изложена или да ја искуси е рефлексијата на нашата лирска содржина. Воскреснувајќи ги старите приказни и митови и нивните слики во огледалата на денешните настани.
Кресент (Crescent) е роден во 1999 година посведочувајќи на жарот на светот во умирање, сепак задржуавќи ја силата за борба/моќ да ја пренесе рефлексијата на горката вистина (со надеж за глобална свесност и единство на нациите) се додека нашата порака стигне до секоја душа. Ова е портретирано во апокалиптична метал арт форма која го одбележува светскиот статус.”
Овој инспиративен текст стои на официјалната интернет страна на античко-египетскиот death метал бенд “Кресент” (Crescent) во делот на нивната биографија.
Настапувале на голем број на концерти во нивната татковина-Египет. “Оставиле многу места во урнатини” како што се “El Sawy Cultural wheel”, “Alexandrina Bibliotheca”, “Swiss Club”, “Azhar Park” и повеќе други помали места.
Во 2014 година биле на својата Метал апокалиптична евро тура во месец мај, со други интернационални бендови низ Германија, Австрија, Чешка, Холандија и Белгија.
Кресент ја освоиле локалната битка на бендови во Египет и ја претставувале оваа држава на Wacken 2014 фестивалот каде во борба со бендови од 30 останати земји влегле во врвните 10 бендови.
Овој бенд има издадено 3 изданија:
“Земјата од соништата на Едгар Алан По” (Edgar Allan Poe’s Dreamland : Demo 1999)
“Одмаздата” (The Retribution : EP 2009)
“Робови од пирамиди” (Pyramid Slaves : Album 2014)
“Редот на Аменти” (The Order of Amenti: Album 2017)
Во бендот членуваат:
Ismaeel Attallah (Гитари и вокал)
Moanes Salem (Бас гитара)
Amr Mokhtar (Тапани)
Youssef Saleh (Ритам гитара)
André (Ритам гитара)
Нивната музика е моќна, исполнета со големина и дух, онака како што доликува на еден репрезент на моќната културолошка историја на земјата од која што потекнуваат. Но таа не е на ниво на комерцијала на продукциско-музичките меинстрим медиуми кои се имуни и инертни на нови суштествени влијанија од неограничен карактер. Долгогодишното опстојување на бендот, со малиот број (во споредба со други меинстрим бендови) е само показател за нивната уникатност и препознатливост. А таа треба да се развива и поинатаму.
Во продолжение Ви пренесуваме три нивни видео записи кои се сведоштво за големината на музиката на овој бенд:
