Караванот на Координативното тело и Кризниот штаб за Бојкот на претстојниот референдум за промена на името на Република Македонија во недела 16.09.2018 година беше на средби со граѓаните во Делчево.
Активисти и волонтери на оваа надпартиска граѓанскиа иницијатива која отворено упатува пораки до граѓаните за Бојкот на референдумот како легитимно и уставно загарантирано право на секој граѓани на претстојниот референдум за промена на името на Република Македонија, пред делчевчани го образлагаше своите аргументи зошто треба да се бојкотира овој референдум.
Во својата изјава за јавноста Јанко Бачев-Претседател на партијата Единствена Македонија која што е една од многуте организации потписник на Декларацијата за бојкот на референдумот потенцираше:
Сакаме на нашите сограѓани да им ја пренесеме пораката, иако верувам дека голем дел од Македонците веќе ја имаат донесено одлуката дека ќе бојкотираме масовно, нема да излеземе на референдумот, бидејќи ова што го прави марионетската власт во Скопје не смее да успее, бидејки оваа власт е купена и контролирана од страна на странски центар и ние мораме да ја спречиме во намерата да избрише се што е Македонско.
Ова сега не е битка за лидери, за индивидуалци, за партии, не е битка за власт, туку сега ова е битка за Македонија, за Македонците, за опстанок на цел еден народ.
Денеска на овие средби со граѓаните во општина Делчево ќе поделиме поголем број на флаери, ќе ги запознаеме со идејата, ќе ја упатиме пораката и верувам дека на 30-ти септември сите масовно нема да излеземе (на референдумот).
Оваа борба е света должност на секој Македонец, да бидеме свои на своето бидејќи никој не ни дава право на оваа генерација Македонци, во името на претходните и во името на идните генерации да ја уништиме државата, да го смениме Името, јазикот, идентитетот, културата…. Едноставно во оваа битка мора да успееме, Македонија мора да победи.
Од Делчево караванот на Бојкотирам#Македонија се упати кон Берово и Пехчево а потоа кон Виница и кон Кочани.
Видео превземено од Makedonija365.mk
