Откако од страна на опозициската ВМРО-ДПМНЕ од Пробиштип во јавноста беа споделени информации со кои се врши споредба на владеењето на ВМРО-ДПМНЕ и СДСМ на локално ниво во изминатиот период со споделен графички прилог од интернет страната на владиниот сервис “Отворени финансии” за лице Драган Анастасов кое примило во два наврати суми од 300.000 и 50.000 мкд, во јавноста веднаш реагираше Градоначалникот на Пробиштип Драган Анастасов- Ладич.
Во прилог ја пренесуваме реакцијата на ОК на ВМРО-ДПМНЕ Пробиштип:
И додека ВМРО-ДПМНЕ ја имаше централната и локалната власт сите дела, проекти и инвестиции беа во интерес на граѓаните и општината.
Од друга страна владеењето на СДС граѓаните ќе го запаметат како инвестиции во коктели, партиски седенки, китење со туѓи перја, реваншизми или …
Дами и господа, ви ги претставуваме чесните!
P. S.
Ова е само почеток!
како и реакцијата на Градоначалникот Драган Анастасов со која тој возвраќа на ваквата објава на ОК на ВМРО-ДПМНЕ Пробиштип:
Веднаш по реакцијата на Градоначалникот Анастасов повторно со подолга реакција се јавија од опозициската ВМРО-ДПМНЕ.
Во продолжение ја пренесуваме и оваа реакција:
“Почитувани сограѓани,
во синоќешниот пост на Facebook, ВМРО-ДПМНЕ го критикуваше (не)работењето на локалните власти предводени од СДСМ и за тоа како најголемите инвестиции во нивното време се во коктели и партиски седенки. Воедно беше објавен и извадок од податоци од отворената база на податоци open.finance.gov.mk.
Сакаме да напоменеме дека “Секоја сличност со реални ликови е случајна”.
Тоа што некој се пронаоѓа, тоа е негова работа. Ќе ги замолиме локалните власти и нивните ботови да не бидат толку нервозни. Знаеме дека е тешко да соочите со вашите неуспеси и со падот на вашето гласачко тело кое од ден на ден се повеќе е незадоволно од вашето (не)работење. Дали нешто од изнесеното е точно или неточно ќе покаже времето и некоја институција.
За почеток ќе оставиме антикорупциската комисија да го истражи целиот овој случај.
Што се однесува до базата на податоци што е објавена на open.finance.gov.mk, таа содржи информации од јавен карактер што се достапни за јавноста и до истите секое лице во Македонија може да има неограничен пристап.
Од овде се јавува вознемиреноста и нервозата која е поттикната од сомнеж за корупција во користењето на јавните финансии. Не останува ништо друго освен тоа случајот да се препушти на детално испитување на државните органи, кои со закон се овластени да ја проверат имотната состојба на функционерите во законита постапка.
Говорот на омраза, заканите за тужби за навреда и клевета, ограничувањето на слободата на говорот и цензурата е познат стил на власта од СДС (како да сме во 1948 година).
Ваквиот начин на дејствување е се повеќе присутен кај властодршците од СДС како што се наближува 12-ти Април 2020 година.
Но како што рекле старите, тој што губи, има право да се лути!
P.S.
Упорно пробувате да избегате од одговор кои се причините за разрешувањето на директорката на средното општинско училиште (кадар што вие го поставивте), а ние ќе продолжиме упорно да бараме одговор од вас за ова прашање! “
