Општина Македонска Каменица под водство на градоначалникот Димче Атанасовски продолжува со својата понуда на културни и спортски содржини за своите граѓани.
Денеска од страна на општината беше најавен преубав спортски настан кој што ќе се реализира во почетокот на септември во Македонска КАменица.
Станува збор за веќе традиционалната кружна велосипедска тура симболично наречена ,,Tour the Kalimanci Lake 2022″ која што е своевидно освежување помеѓу понудата на спортски настани кои што доминантно се однесуваат на фудбалски турнири во регионот.
“Ве покануваме, на 03 Септември 2022 година, да учествувате на јубилејната 5-та по ред Велосипедска тура во природа ,,Tour the Kalimanci Lake 2022”
Патеката е во категорија на средно тешки патеки, во должина од 40 Км. Се вози по комбинирана Off Road и асфалтна подлога околу водите на Калиманско Езеро.
Старт: 09:00 часот. Парк на рударите, Македонска Каменица.
Стартен пакет 300 денари, кој вклучува маичка за секој учесник, патна храна, овошје, вода и ручек во Македонска Каменица по завршување на турата.
Напомена: Задолжително носење заштитна кацига, исправен МТВ велосипед, патна опрема, резервна гума, шушкавец и дрес/маичка зависно од временските услови.
Пријавувањето за Tour The Kalimanci Lake е до 01. Септември 2022 година, на следните контакт телефони:
070 786 000 Горан Ристовски
071 371 382 Васко Десподовски”
