Со свое соопштение во јавноста доцна попладнево се огласи Македонскиот национален совет (МНС) од Швајцарија.
Станува збор за организација која што обединува повеќе здруженија, формални и неформални групи и поединци на Македонци кои живеат и работат во Швајцарија во насока на афирмација на Македонските вредности и интереси како во оваа земја така и пошироко во Европа и светот.
Притоа од МНС- Швајцарија упатија и силна порака кон сите Македонци кои се насекаде во светот:
“Наш долг и обврска кон татковината , секој глас за македонските вредности и идентитетски обележја.”
Во продолжение во целост го пренесуваме соопштението на Македонскиот национален совет од Швајцарија:
Известување
По повод најавените парламентарни избори во Македонија и гласањето во дијаспората
“Почитувани Македонци,
Секој Македонец со постојано место на живеење во странство, ќе може да гласа на идните парламентарни избори што ќе се одржат на 11 -ти април , 2020 година.
Затоа е потребно пријавување најкасно до 11 ти март на интернет страната на https://dijaspora.sec.mk/
Чекори за регистрација:
1. Впишување на ЕМБГ бројот од пасошот;
2. Внесување на дадениот код од прикажаната слика;
Потоа пополнување на податоците:
1.Име и презиме
– Припадност на заедница;
2.Податоци за престој во странство ;
– Држава во која престојува ;
– Населено место во странство;
– адреса во странство;
3. Пријава за гласање
– Држава во која ќе гласа;
– ДКП во кое ќе гласа;
– Број на Мк пасош
Откога ќе се пополни и испрати пријавата , се добива потврден одговор за успешна регистрација .
За сите оние кои пак ќе сакат да гласат во Македонија , тоа право ќе можат да го остварат во нивните матични општини. Во секој случај треба да се направи изборот, во државата каде престојувате или пак во местото на вашата адреса во Македонија .
Наш долг и обврска кон татковината , секој глас за македонските вредности и идентитетски обележја.”
Женева, 4 март 2020 година
Македонски Национален Совет -Швајцарија
